РФ табигать ресурслары һәм экология министры урынбасары Евгений Марков «Татнефть» ГАҖнең кайбер объектларын карады
Бүген Россия Федерациясе Табигать ресурслары һәм экология министры урынбасары Евгений Марков Татарстан Республикасына эш сәфәре кысаларында «Татнефть» ГАҖ объектларын карады. Аерым алганда, ул энергияне нәтиҗәле кулланучы Актүбә бистәсендә һәм Әлмәт шәһәрендә «Югары нефть мәктәбе» ФМҮ укыту-лаборатория корпусында булды.
Аны РФ Федераль Җыены Дәүләт Думасы депутаты Азат Ягъфәров, «Татнефть» ГАҖ генераль директорының сәнәгать куркынычсызлыгы һәм хезмәтне саклау буенча урынбасары Азат Хәбибрахманов, ТР урман хуҗалыгы министры Равил Кузюров һәм башкалар озата йөрде.
Евгений Марковка компаниядә бүгенге көндә Татнефть-Биотех, ТН-Биопротеин, Татнефть-Биотехнология паркы, Татнефть-Биоресурс, Татнефть-Биоволокно, Татнефть-Биотехагро кебек фәнни-җитештерү берләшмәләре тәкъдим иткән биотехнологик юнәлешнең актив үсүе турында сөйләделәр.
Фәнни-тикшеренү һәм җитештерү проектлары, халыкта экологик караш формалаштыру программасы гамәлгә ашырыла.
Россия Федерациясендә беренче тапкыр Актүбә бистәсе базасында автономияле тотрыклы энергия нәтиҗәле җирлеге төзелде. Бу тәҗрибә автономия принципларында торак пунктларны энергия ресурслары, ягулык һәм башка кирәкле продукция белән тәэмин итәргә, калдыклар белән идарә итүнең тотрыклы системасын төзергә, эш урыннары булдырырга, халык санын арттырырга, тормышның җәлеп итүчәнлеген һәм сыйфатын күтәрергә мөмкинлек бирәчәк.
Актүбә шәһәр тибындагы поселогында Евгений Марков Биогаз җайланмасы, агач биомассасын тиз пиролизлау модуль җайланмасы, каты ягулыклы котельный эше белән танышты.