«Яшь урманчы» мәктәп урманчылыгында тәрбияләнүчеләр «Татарстанның чиста урманнары» республика табигать саклау акциясенә кушылдылар
Спас районының Бураково урта мәктәбенең «Яшь урманчы» мәктәп урманчылыгында тәрбияләнүчеләр «Татарстанның чиста урманнары» республика табигатьне саклау акциясенә кушылдылар. Чара кысаларында укучылар Коминтерн бистәсендәге урман массивын чүп-чардан чистартканнар.
«Балалар акциядә бик теләп катнаштылар, – диде биология һәм химия укытучысы, «Яшь урманчы» берләшмәсе җитәкчесе Лариса Захарова. – Мондый инициативалар – табигатьне саклауга өлеш кертү генә түгел, ә экологик җаваплылыкның мөһим дәресе дә. Без киләчәктә дә мондый чараларда катнашуны дәвам итәчәкбез».
Исегезгә төшерәбез, «Татарстанның чиста урманнары» республика табигатьне саклау акциясенең көзге этабы 8 сентябрьдән башлап агымдагы елның 8 ноябренә кадәр дәвам итәчәк. Акция урман фонды территориясен төзекләндерү буенча комплекслы эш алып баруны, шул исәптән каты коммуналь калдыкларны җыюны һәм чыгаруны, коры-сары һәм ауган агачларны җыештыруны, шулай ук аншлагларны, мәгълүмат щитларын һәм урманда ял итү урыннарын ремонтлауны һәм төзекләндерүне күздә тота.