Болгар урманчылыгында «Урманны саклыйк» акциясе кысаларында 2,5 мең үсенте утырттылар
«Болгар урманчылыгы» ДКУ территориясендә әһәмиятле экологик вакыйга – «Урманны саклыйк» Бөтенроссия акциясе кысаларында агачлар утырту булды. Чара Спас районы администрациясе, мәгариф оешмалары, җәмәгатьчелек һәм урман тармагы белгечләрен берләштерде.
Акциядә катнашучылар Спас кишәрлеге урманчылыгының 77 нче кварталында 2,5 мең нарат һәм каен үсентесе утырттылар. Бу эш төбәкнең урман фондын торгызуга һәм илебезнең табигый байлыкларын саклауга мөһим өлеш кертте.
«Урманны саклыйк» акциясе Россиядә урман торгызу буенча иң масштаблы проектларның берсе булып тора. Аның төп бурычы – урман мәйданнарын арттыру гына түгел, халык арасында экологик культура һәм табигатькә җаваплы мөнәсәбәт тә формалаштыру. Мондый инициативалар нәтиҗәсендә җирле халык катнашында буыннар арасында элемтә ныгый һәм табигать ресурсларына сакчыл мөнәсәбәт тәрбияләнә. Утыртылган һәр агач – төбәгебезнең һәм бөтен илебезнең киләчәктәге экологик иминлегенә өлеш кертү ул, – диләр Болгар урманчылыгында.