«Мамадыш урман хуҗалыгы» ДБУ хезмәткәрләре һәм «Урман дуслары» мәктәп урманчылыгы укучылары «Урманны саклыйк» акциясенә кушылдылар
Олыяз лицееның «Урман дуслары» мәктәп урманчылыгына керүче укучылар ел саен уздырыла торган «Урманны саклыйк» Бөтенроссия акциясендә актив катнаштылар. Көзнең аяз көне балаларга чын җылылык бүләк итте, бу күтәренке кәеф тудырды һәм бердәм эшкә ярдәм итте.
Укучылар тырышлыгы белән урман фонды 200 гә якын гади чыршы үсентесе белән тулыланды. Яшь агачлар вакыт узу белән тулы канлы урманга әвереләчәк, ул яшәүчеләрнең берничә буынын сөендерәчәк һәм экологик хәлне яхшыртуга ярдәм итәчәк.
«Урманны саклыйк» Бөтенроссия акциясе илебезнең миллионлаган гражданнары өчен әһәмиятле традициягә әверелде инде. Бу масштаблы экологик хәрәкәт төрле яшьтәге һәм һөнәр ияләрен игелекле максат — Россия урман массивларын торгызу һәм экологик вәзгыятьне яхшырту тирәсендә берләштерә, – дип искәртәләр «Мамадыш урман хуҗалыгы» дәүләт бюджет учреждениесендә. – Мондый инициативалар табигатькә ярдәм итеп кенә калмый, үсеп килүче буында әйләнә-тирә дөньяга җаваплы мөнәсәбәт тә тәрбияли, экологик фикерләүне үстерә һәм мәктәп укучыларында актив гражданлык позициясен формалаштыра».