Урман хуҗалыгы министры Равил Кузюров аппарат киңәшмәсе уздырды
Бүген Министрлыкта ТР урман хуҗалыгы министры Равил Кузюров рәислегендә аппарат киңәшмәсе узды. Игътибар үзәгендә республиканың урманчылык тармагының актуаль мәсьәләләре һәм әлеге йөкләмәләрнең үтәлешен контрольдә тоту булды.
Чарада министр урынбасарлары, эшләр идарәчесе, Министрлыкның структур бүлекчәләре җитәкчеләре һәм белгечләре катнашты.
Киңәшмәдә катнашучылар министрга үткәрелә торган урман культуралары, урманнарны саклау һәм урман хуҗалыгы эшләре, федераль дәүләт урман контролен (күзәтчелеген) гамәлгә ашыру, урманнарны саклау, агач әзерләү һәм сату нәтиҗәләре турында сөйләделәр.
Докладларны тыңлаганнан соң, Равил Кузюров хезмәткәрләргә мәктәп урманчылыклары хәрәкәтен үстерү, урман тармагын цифрлаштыру, 29.07.2017 ел, № 280-ФЗ федераль законны гамәлгә ашыру һ.б. белән бәйле йөкләмәләр бирде.
«Шулай ук урман законнарын бозуларны кисәтү һәм ачыклау буенча эшне көчәйтүегезне сорыйм, – дип ассызыклады министр. – Кадрлар белән тәэмин итүгә җентекле анализ ясарга һәм республика урманчылыклары штатын квалификацияле белгечләр белән тулыландыру буенча чаралар күрергә кирәк. Безнең төп бурыч – контроль-күзәтчелек чараларының сыйфатын күтәрү, бу исә республика урманнарының сакланышына турыдан-туры йогынты ясый».