Лубян урта мәктәбе укучылары Урман музеенда булдылар
Бүген Кукмара районының «Лубян урта мәктәбе» МБМУ укучылары ТР Урман хуҗалыгы министрлыгының Урман музеенда булдылар. Балалар өчен экскурсияне музей директоры Илгиз Зарипов үткәрде.
Экскурсия барышында укучылар Татарстан Республикасы урманнарының флора һәм фаунасының күптөрлелеге белән таныштылар, урманнан тотрыклы файдалану принциплары, урманнарны саклау һәм яклауның заманча технологияләре турында белделәр.
Укучыларда урман төзекләндерүгә багышланган экспозиция аеруча кызыксыну уятты. Илгиз Зарипов таксатор һөнәренең үзенчәлекләре, урман төзекләндерү планшетлары һәм урман хуҗалыгы чараларын планлаштыру ысуллары турында сөйләде.
Шунысын да билгеләп үтәргә кирәк, мондый экскурсияләр мөһим белем бирү әһәмиятенә ия һәм үсеп килүче буында экологик аң формалашуга ярдәм итә.
«Безнең максат – балаларга урман турында сөйләү генә түгел, аларда табигать ресурсларына сакчыл караш тәрбияләү», – дип ассызыклады Илгиз Зарипов.