Лубян урман-техник көллиятендә «Беренче курс студентлары көне» дип аталган студентлар иҗаты фестивале узган
«Лубян урман-техника көллияте» дәүләт бюджет һөнәри белем бирү учреждениесендә студентлар иҗатына багышланган традицион «Беренче курс студентлары көне» фестивале узды.
Бәйрәмдә катнашучыларны көллият директоры Рим Фәхразыев сәламләде. Үзенең чыгышында ул көллият традицияләрен саклау һәм үстерүнең мөһимлеген билгеләп үтте, шулай ук студентларның иҗат тормышында актив катнашуы аларның һәрьяклап үсешенә һәм студент тормышына уңышлы җайлашуына ярдәм итә, дип ассызыклады.
«Ышанам ки, көллияттә узган еллар сезнең өчен тормышыгызның иң якты чорларының берсе булып калачак», – диде Рим Фәхразыев.
Фестиваль кысаларында беренче курс студентлары төрле концерт программасы тәкъдим иттеләр. Тамашачылар көчле вокаль һәм хореографик чыгышлардан, шулай ук оригиналь иҗади номерлардан ләззәт алдылар.
Оештыручылар сүзләренә караганда, Лубян урман-техник көллиятендә «Беренче курс студентлары көне» фестивале якты вакыйгага әверелеп, катнашучыларның барысын да уку елына уңай хис-кичерешләр белән тулыландырган.