Рослесхоз: ДУР дәүләт цифрлы системаларына белешмәләр алу гадиләштерелде
Федераль урман хуҗалыгы агентлыгы Дәүләт хезмәтләре порталында «дәүләт урман реестрыннан мәгълүматлар» витринасы шаблонын урнаштырды.
Рослесхоз башлыгы урынбасары Вячеслав Спиренков сөйләгәнчә, шаблон Реестрдан мәгълүматлар бирү форматын унификацияли, шулай ук ведомстволар арасында белешмәләрне чагыштырып карау дәрәҗәсен арттыра. Мәсәлән, урман төрләре, урман кишәрлегенә хокук билгели торган документлар, урманнарны саклау чаралары, рөхсәт ителгән файдалану төрләре, урман таксациясе бүлеп чыгарулары, токымнары һәм башкалар турында мәгълүмат табарга мөмкин.
«Мәгълүматлар витринасында дәүләт һәм региональ хакимият органнары кирәкле документларны формалаштыру яки белешмәләрне тикшерү өчен шаблон куллана алачак. Урман кишәрлеге турында мәгълүмат таләп ителсә, аны шулай ук теләсә нинди ведомство цифрлы сервисларына кертергә мөмкин. Мәгълүматлар витринасы шаблонын урнаштыру документлар формалаштыру вакытын, табигатьтән файдалану һәм фитосанитария күзәтчелеге өлкәсендә чиктәш дәүләт хезмәтләре күрсәтү вакытын кыскартачак, шулай ук бирелә торган мәгълүматның төгәллеген арттырачак», – дип ассызыклады Вячеслав Спиренков.
Шаблонны тутыру буенча аңлатмалык Дәүләт хезмәтләре сайтында урнаштырылган. Моннан тыш, шаблонның «Агач ташу» бүлекчәсе булган версиясе дә яңартылачак.
Федераль урман хуҗалыгы агентлыгы матбугат хезмәте