Татарстанда урман питомникларында утырту материалларының сыйфаты бәяләнә
Татарстан Республикасында урман питомникларында утырту материалларының сыйфатын бәяләү дәвам итә. Эшләр урманнарны торгызуга дәүләт мониторингы һәм «Экологик иминлек» илкүләм проектының «Урманнарны саклау» федераль проектының «Татарстан Республикасында урманнарны саклау» региональ проекты кысаларында үткәрелә.
Әйтик, узган атнада «Рослесозащита» ФБУ филиалы Татарстан Республикасының Урманны саклау үзәге хезмәткәрләре «Азнакай урман хуҗалыгы» ТР ДБУ урман питомнигын комплекслы тикшерделәр. Белгечләр үстерелә торган төп урман агач токымнары үсентеләренең һәм чәчкеннәренең Россия Табигать министрлыгы боерыгы белән билгеләнгән таләпләргә туры килүен бәяләделәр.
Питомник гади нарат, себер карагае, корычагач, сабакчалы имән һәм башка төр агачларның утырту материалын үстерүгә махсуслашкан.
Тикшерү барышында чәчкеннәрне һәм үсентеләрне үстерүнең питомник проектында каралган технологиягә төгәл туры килүе ачыкланды. Урман хуҗалыгы хезмәткәрләре чәчүлекләрне карау буенча барлык кирәкле чараларны вакытында үткәрәләр.
Корылык чорында питомникта янгын сүндерү машиналарын кулланып су сибү каралган. Эшләү өчен кирәкле техника һәм җайланмалар Азнакай урман хуҗалыгы территориясендә нигезләнә һәм кирәк булган саен питомник территориясенә китерелә.
Гомумән алганда, питомникның хәле яхшы дип бәяләнде.