Аксубай урман хуҗалыгы 645 кг орлык әзерләгән
«Аксубай урман хуҗалыгы» ТР дәүләт бюджет учреждениесендә урман барлыкка китерүче төп токымнарның орлыкларын җыюны төгәлләделәр. Урманчылар барлыгы 645 кг орлык әзерләгән, бу планлаштырылган күләмнән 87% ка күбрәк.
Эшләр «Экологик иминлек» илкүләм проектының «Урманнарны саклау» федераль проектының «Татарстан Республикасында урманнарны саклау» төбәк проекты кысаларында үткәрелгән.
«Дәүләт йөкләмәсе буенча барлыгы 345 килограмм орлык җыеп алырга кирәк иде, – дип сөйләде урман хуҗалыгы директоры Сергей Кузнецов. – Әмма коллективның бердәм эшләве нәтиҗәсендә без планны шактый арттырып үтәдек».
Аның сүзләренә караганда, шул исәптән нарат орлыгы – 15 кг, имән орлыгы – 500 кг, каен орлыгы 130 кг күләмендә әзерләнгән.
«Җыелган барлык орлыклар да Татарстан Республикасы Урманны саклау үзәгендә тикшерелде һәм питомникта чәчкеннәр үстерү өчен кулланылачак», – дип өстәде Сергей Кузнецов.