Әгерҗе шәһәренең «Золотой ключик» балалар бакчасында тәрбияләнүчеләрне «Эколят»лар сафларына багышлау тантанасы булды

2025 елның 5 декабре, җомга

Әгерҗе шәһәренең «Золотой ключик» 1 нче балалар бакчасында кече төркем балаларын «Эколят»лар сафларына багышлау тантанасы булды. Чара «Мәктәпкәчә урманчылык» проекты кысаларында оештырылды, ул мәктәпкәчә яшьтәге балаларга иртә һөнәри юнәлеш бирүгә юнәлдерелгән иде.

«Әгерҗе урманчылыгы» ТР ДКУның Әгерҗе кишәрлеге урманчылыгы урман мастеры Алмаз Шәйхетдинов бәйрәмнең мактаулы кунагы булды. Ул яшь табигатьне саклаучыларны котлап кына калмады, аларга истәлекле бүләкләр дә тапшырды.

Тантана барышында балалар әйләнә-тирә мохитне сакларга ант иттеләр.

«Мәктәпкәчә урманчылык» проекты балаларда табигатькә җаваплы мөнәсәбәт формалаштыруга, хайваннар һәм үсемлекләр дөньясына мәхәббәт тәрбияләүгә, шулай ук экологик культураны үстерүгә юнәлдерелгән.