«Дубки» мәктәп урманчылыгында «Кошлар өчен иң яхшы җимлек» конкурсына йомгак ясалган

2025 елның 8 декабре, дүшәмбе

Лениногорск шәһәренең 3нче урта мәктәбенең «Дубки» мәктәп урманчылыгында «Кошлар өчен иң яхшы җимлек» конкурсына йомгак ясалган. Конкурс үсеп килүче буынның экологик культурасын формалаштыру һәм кышлаучы кошлар проблемаларына балаларның игътибарын җәлеп итү максатында үткәрелгән.

«Дубки» берләшмәсе җитәкчесе Резеда Мөхетдинова әйтүенчә, укучылар төрле материаллардан җимлекләр ясаганнар.

«Жюри катнашучыларның биремгә иҗади һәм җаваплы якын килүләрен билгеләп үтте. Җиңүчеләргә һәм актив катнашучыларга дипломнар һәм истәлекле бүләкләр тапшырылды, – дип билгеләп үтте Резеда Мөхетдинова. – Барлык җимлекләр дә мәктәп территориясендә эленде».