«Яшь урманчы» мәктәп урманчылыгында тәрбияләнүчеләр табигый материаллардан яңа ел бизәкләре ясау буенча мастер-классларда катнаштылар
Спас районы Бураково урта мәктәбенең «Яшь урманчы» мәктәп урманчылыгында тәрбияләнүчеләр табигый материаллардан Яңа ел бизәкләре ясау буенча мастер-классларда катнаштылар.
Чара кысаларында укучылар чыршы күркәләреннән оригиналь бизәнү әйберләре ясадылар, алар сатып алынган уенчыкларга альтернатива булып торачак һәм ылыслы агачларга сакчыл мөнәсәбәткә игътибарны җәлеп итәргә ярдәм итәчәк.
«Мондый иҗат балаларда сәнгать күнекмәләрен генә түгел, экологик аңны да үстерергә ярдәм итә. Безнең табигый материаллардан ясалган уенчыклар экологияле булуы өстенә бик матур да, – дип шәрехләде биология һәм химия укытучысы, «Яшь урманчы» берләшмәсе җитәкчесе Лиса Захарова. – Мастер-классның һәр катнашучысы берничә уникаль уенчык ясады, алар өйләрдә бәйрәм интерьерларын бизәячәк».