ТР Урман хуҗалыгы министрлыгы карамагындагы учреждениеләрдә 2025 елда башкарылган эшләргә йомгак ясалды һәм 2026 елга бурычлар билгеләнде
ТР Урман хуҗалыгы министрлыгы карамагындагы учреждениеләрдә 2025 елдагы эш йомгаклары буенча киңәшмәләр узды.
Мәсәлән, «Чирмешән урманчылыгы» ДКУ белгечләре урманнарны саклау, яклау һәм яңадан торгызу буенча башкарылган эшләр нәтиҗәләре турында фикер алыштылар, шулай ук 2026 елга төп бурычларны билгеләделәр. Киңәшмәне җитәкче-урманчы Алмаз Мотыйгуллин үткәрде.
Чара кысаларында Светлогорский кишәрлеге урманчылыгының урман мастеры Искәндәр Гатинга «Пилотсыз һава суднолары операторы» программасы буенча квалификация күтәрү курсларын узу турында таныклык тапшырылды. Шулай ук сәламләү сүзе белән берләшкән профсоюз комитеты рәисе Хәлил Шәрәпов чыгыш ясады.
Шундый ук утырыш җитәкче-урманчы Валерий Изибеков җитәкчелегендә «Лаеш урманчылыгы» ТР ДКУ һәм «Лаеш урман хуҗалыгы» ТР ДБУ коллективлары өчен дә уздырылды.
Кишәрлекләрдәге урманчылар башкарылган эшләр һәм ирешелгән нәтиҗәләр турында хисап докладлары белән чыгыш ясадылар.
Очрашуга йомгак ясап, Валерий Изибеков барлык хезмәткәрләргә нәтиҗәле хезмәтләре өчен рәхмәт белдерде һәм якынлашып килүче Яңа ел белән котлады.