КДАУның урман хуҗалыгы һәм экология факультетында башлангыч сыйныф укучылары өчен танып-белү экскурсиясе узды
Казан дәүләт аграр университетының урман хуҗалыгы һәм экология факультетында 2 нче Биектау урта мәктәбе һәм Казан шәһәренең 140 нчы урта мәктәбе башлангыч сыйныф укучылары өчен танып белү экскурсиясе узды.
Чараны факультет деканы Борис Иванов ачып җибәрде, ул балаларга табигатьне саклау һәм өйрәнү белән бәйле һөнәрләрнең әһәмияте турында сөйләде.
Экскурсия барышында факультетның профессор-укытучылар составы укучылар өчен бай программа әзерләгән иде. Гербарий фондының интерактив демонстрациясе аеруча кызыксыну уятты, анда балалар үсемлекләр дөньясының күптөрлелеге белән таныша алдылар.
Чараның практик өлеше кысаларында укучылар мастер-класслар сериясендә катнаштылар, анда алар ландшафт дизайны нигезләре турында белделәр, орлык коллекцияләре буенча агач токымнарын билгеләргә, ылыслы токым үсентеләре үстерергә һәм табигый материаллардан яңа ел композицияләре ясарга өйрәнделәр.
Оештыручылар әйтүенчә, мондый һөнәри юнәлеш бирү чаралары үсеп килүче буынны экологик тәрбияләүдә мөһим роль уйный һәм яшьтән үк табигать ресурсларына сакчыл мөнәсәбәт формалаштырырга ярдәм итә.