Татарстан Республикасы урман хуҗалыгы министры Равил Кузюровның якынлашып килүче Яңа ел белән котлавы
Хөрмәтле хезмәттәшләр һәм Татарстан Республикасы урман комплексы ветераннары!
2025 ел безнең өчен уңышлы эш чоры булды. Без куелган барлык бурычларны уңышлы үтәп, Россия Федерациясенең урман мөнәсәбәтләре өлкәсендәге тапшырылган вәкаләтләрен үтәү буенча танылган лидер-төбәк буларак, Татарстанның позициясен ныгыттык.
Быел урман торгызу һәм урман үрчетү эшләре 5335 гектар мәйданда башкарылды, шул исәптән «Экологик иминлек» илкүләм проекты буенча – 1600 гектарда. Профилактиканың җайга салынган системасы һәм оператив чаралар нәтиҗәсендә бер генә урман янгынына да юл куелмавы аеруча мөһим. Комплекслы санитар-савыктыру чаралары республиканың бөтен территориясендә уңай урман патологиясе торышын саклап калырга мөмкинлек бирде.
Федераль дәүләт урман контроле (күзәтчелеге), урман сагы системасы да югары нәтиҗәләр күрсәтте, урман фондының сакланышын һәм хокук бозуларны вакытында кисәтүне тәэмин итте.
Тармакны техник яктан тулыландыру 2025 елның мөһим казанышы булды. ТР Урман хуҗалыгы министрлыгы карамагындагы учреждениеләр «Пилотсыз авиация системалары» илкүләм проекты кысаларында 31 заманча пилотсыз очу аппараты алдылар. Бу Татарстан урманнарын мониторинглау һәм саклауның нәтиҗәлелеген сизелерлек арттырачак.
Алда безне яңа стратегик бурычлар көтә: урман комплексы белән идарә итүне камилләштерү, инновацион технологияләр кертү һәм республика урманнарының потенциалын ныгыту.
Хөрмәтле коллегалар!
Югары профессионализмыгыз, фидакарь хезмәтегез һәм үз эшегезгә тугрылыгыгыз өчен ихлас рәхмәтемне белдерәм. Сезнең тырышлык нәтиҗәсендә Татарстан Республикасының урман тармагы ышанычлы рәвештә үсә һәм тотрыклы үсеш күрсәтә.
Барыгызга да ныклы сәламәтлек, бәхет, иминлек һәм Татарстан һәм бөтен Россия урманнары иминлегенә яңа һөнәри казанышлар телим!
ТР урман хуҗалыгы министры Р.Ә.Кузюров