Татарстанда 2026 елга урманнарны патрульләү маршрутлары расланды

2026 елның 16 гыйнвары, җомга

Татарстан Республикасында 2026 елга урманнарны патрульләү маршрутлары расланды. Барлыгы гомуми озынлыгы 22,3 мең км булган 1521 маршрут формалаштырылган.

Маршрутлар төзегәндә торак пунктлар янындагы урманнарны һәм коммерциягә карамаган бакча-яшелчәчелек ширкәтләрен патрульләү зарурлыгына аерым игътибар бирелгән.

Урманнарны җирдән күзәтү маршрутларының күбесе республиканың Нурлат (93), Минзәлә (78) һәм Саба (74) урманчылыклары территорияләре буенча салынган.