Урман белгечләре авыл җирлекләре җыеннарында урманнарда янгын куркынычсызлыгы кагыйдәләре турында аңлата
Татарстан Республикасында 2026 елда урманнарда янгын чыгу хәтәре янаган чорга әзерлек эше дәвам итә. ТР Урман хуҗалыгы министрлыгының эш планы нигезендә, урманчылыкларда һәм урман хуҗалыкларындагы вәкилләр авыл җирлекләре гражданнары җыеннарында янгын куркынычсызлыгы тематикасына докладлар белән чыгыш ясый.
Мәсәлән, «Чирмешән урманчылыгы» ТР ДКУ Светлогорский кишәрлеге урманчылыгының урман мастеры Искәндәр Гатин Чирмешән муниципаль районының Иске Котыш һәм Иске Кади авылларында узган авыл җирлекләре гражданнары җыеннарында доклад белән чыгыш ясады.
Белгеч быел үткәреләчәк янгынга каршы чаралар комплексы турында җентекләп сөйләде. Урманнарда янгын һәм санитария куркынычсызлыгы кагыйдәләренә һәм аларны бозган өчен җаваплылык чараларына аерым игътибар бирелде.
«Урманнарда үз-үзеңне тоту кагыйдәләрен үтәү – безнең табигый байлыгыбызны саклау нигезе», – дип ассызыклады Искәндәр Гатин.
Очрашуларда авыл кешеләре үзләрен кызыксындырган сорауларны бирделәр һәм урманчылык вәкиленнән консультацияләр алдылар.