Казан дәүләт аграр университеты студентлары ТР Урман хуҗалыгы министрлыгында булды
Бүген Казан дәүләт аграр университетының икътисад институтының «Дәүләт һәм муниципаль идарә» юнәлеше буенча укучы 4 курс студентлары ТР Урман хуҗалыгы министрлыгында булдылар.
Визит кысаларында булачак белгечләр Урман музее экспозициясе белән таныштылар һәм Министрлык җитәкчелеге белән очраштылар. Студентлар алдында ТР урман хуҗалыгы министрының беренче урынбасары Илгизәр Зарипов, оештыру эшләре бүлеге башлыгы Наталья Тюкаева һәм дәүләт хезмәте һәм кадрлар мәсьәләләре секторы мөдире Эльвира Зыятдинова чыгыш ясады.
Министрлык вәкилләре студентларны дәүләт һәм муниципаль идарәдә менеджментның һәм кадрлар технологияләренең төп аспектлары белән таныштырдылар, кадрлар сәясәте һәм урман хуҗалыгы өлкәсендә идарә итү үзенчәлекләрен ачтылар, шулай ук дәүләт структураларында эшне оештыруның гамәли тәҗрибәсе белән уртаклаштылар.
Мондый һөнәри юнәлеш бирү чаралары студентларга булачак һөнәрләренең үзенчәлекләрен яхшырак аңларга ярдәм итә һәм киләчәктә республиканың дәүләт структураларында эшкә урнашу өчен перспективалар ача.