ТР Урманны саклау үзәгендә 2025 елда урман үсемлекләре орлыкларының сыйфатын бәяләү эшенә йомгак ясалган
«Рослесозащита» ФБУ филиалы Татарстан Республикасы Урманны саклау үзәгендә 2025 елда урман үсемлекләре орлыкларының сыйфатын бәяләү эшенә йомгак ясалган. Учреждение белгечләре тарафыннан барлыгы 284 партия орлык тикшерелгән, план 115,4% ка үтәлгән. Шунысын да билгеләп үтәргә кирәк, мондый эшләрне башкару «Экологик иминлек» илкүләм проектын гамәлгә ашыруга ярдәм итә.
Урман үсемлекләренең яңа әзерләнгән орлыкларының гомуми массасы 12,1 тонна булган 131 партиясе тикшерелгән. Анализ күрсәткәнчә, аларның сыйфаты түбәндәгечә бүленгән: 1 нче класслы сыйфатлы орлыклар – 72,5%, 2 нче класслы орлыклар – 13,5%, 3 нче класслы орлыклар – 14%.
Урман үсемлекләренең сакланучы орлыклары гомуми авырлыгы 1 тонна булган 127 партия тикшерелгән. Аларның сыйфаты түбәндәгечә бүленгән: 1 нче класс сыйфатлы орлыклар – 42,6%, 2 нче класс сыйфатлы орлыклар – 40,6%, 3 нче класс сыйфатлы орлыклар – 16,8%.
Урман үсемлекләре орлыкларының иминият фонды белән эшләгәндә 25 анализ ясалган. Нәтиҗәләрдән күренгәнчә, орлыкларның 65,6% өлеше – 2 елга кадәр, 14,5% өлеше – 2 елдан 5 елга кадәр, 19,9% өлеше 5 елдан артык саклана.
Урман үсемлекләре орлыклары партияләрен бәяләү йомгаклары буенча чәчү сыйфатларына гамәлдәге законнар нигезендә билгеләнгән рәвештәге орлыкларның сыйфаты турында документлар бирелгән. Орлыкларның сыйфаты турында барлыгы 123 таныклык һәм 145 сертификат бирелгән.