«Рослесинфорг» ФДБУ Казан филиалы директоры Айрат Йосыпов Лубян урман-техник көллияте студентлары өчен лекция үткәрде
Бүген «Рослесинфорг» ФДБУ Казан филиалы директоры Айрат Йосыпов «Лубян урман-техник көллияте» ДБҺБУ студентлары өчен лекция үткәрде.
Очрашу барышында ул булачак белгечләргә филиал эшчәнлегенең төп юнәлешләре турында сөйләде. Урманнарга карата дәүләт инвентаризациясе мәсьәләләренә, урман төзекләндерүнең заманча ысулларына, кадастр, җир төзелеше, топографик һәм геодезия эшләренең үзенчәлекләренә аерым игътибар бирелде.
«Шунысын да билгеләп үтәргә кирәк, урман корылышының 300 еллык тарихы бар. Казан губернасы урманнарының иң беренче тасвирламалары 1733 ел белән даталанган», – дип ассызыклады Айрат Йосыпов.
Визит ахырында филиал директоры студентларга производство һәм диплом алды практикасын узу, шулай ук эшкә урнашу мөмкинлекләре турында сөйләде.