ТР Урман хуҗалыгы министры Наил Мәһдиев БМОның урманнар комитетының һәм Урман хуҗалыгы буенча Европа комиссиясенең берлектәге сессиясендә чыгыш ясаячак

Урманнар буенча икенче Европа атнасы кысаларындагы халыкара чаралар Финляндиянең Рованиеми шәһәрендә узачак. Моннан тыш, экономик хезмәттәшлек буенча Россия-Финляндия хөкүмәт-ара комиссиясенең Тотрыклы урман хуҗалыгы буенча эшлекле төркеменең чираттагы сессиясе дә үткәрелә. Төркемчә утырышларының төп көн тәртибе – урман биоэнергетикасы, урманнарны инвентарьлау һәм законсыз агач кисү мәсьәләләре, урман хуҗалыгында уртак проектлар әзерләү.