Министр урынбасары Рәис Гомәров Мөслим, Актаныш һәм Минзәлә муниципаль районнарында булды
Бүген ТР урман хуҗалыгы министры урынбасары Рәис Гомәров Мөслим, Актаныш һәм Минзәлә районнарына эш сәфәре кылды, анда урман хуҗалыгының төп мәсьәләләре буенча киңәшмәләр үткәрде.
Мөслим авылы хакимиятендә урман культуралары кампаниясенә һәм 2026 елның янгын куркынычы сезонына әзерлек буенча утырыш узды. Анда муниципаль район башлыгы Альберт Хуҗин катнашты.
Очрашу барышында «Экологик иминлек» илкүләм проекты кысаларында «Урманнарны саклау» федераль проектын гамәлгә ашыру һәм урманнарда янгын куркынычсызлыгын тәэмин итүгә аерым игътибар бирелде.
Шундый ук киңәшмә Актаныш авылы хакимиятендә муниципаль район башлыгы Ленар Зарипов катнашында узды. Катнашучылар Актаныш кишәрлеге урманчылыгы территориясендә урман культуралары, урманнарны саклау һәм урман хуҗалыгы эшләрен башкару, федераль дәүләт урман контролен (күзәтчелеген), урманнарны саклау мәсьәләләре буенча фикер алыштылар.
Минзәлә шәһәре хакимиятендә министр урынбасары «Минзәлә урманчылыгы» ДКУ һәм «Минзәлә урман хуҗалыгы» ДБУнең 2025 елдагы эшенә йомгак ясау буенча киңәшмә үткәрде. Утырышта муниципаль район башкарма комитеты җитәкчесе Марат Кәримов катнашты.
Төп нотык белән җитәкче-урманчы Айрат Минһаҗев чыгыш ясады, ул узган елгы эш нәтиҗәләрен тәкъдим итте: урман торгызу 105,5 га мәйданда башкарылган, урман культураларын агротехник карау – 900 га, урман культураларын тулыландыру – 285,3 га, урман питомникларында орлык чәчү – 1 га.
«2026 елда «Экологик иминлек» илкүләм проекты кысаларында 79 гектар мәйданда урман торгызу планлаштырыла», – дип билгеләп үтте Айрат Минһаҗев.
Ул шулай ук янгын куркынычы чорына агымдагы әзерлек турында хәбәр итте: урман янгыннарын сүндерү планы эшләнгән, патрульлек итү маршрутлары расланган һәм халык белән профилактик эш башланган.
Утырышка йомгак ясап, министр урынбасары Рәис Гомәров белгечләрнең 2025 елдагы эшен югары бәяләде һәм урман янгыннарын булдырмауга юнәлдерелгән чаралар комплексын гамәлгә ашыру кирәклеге турында билгеләде.