Татарстан Республикасы урман хуҗалыгы министры Равил Кузюровның Халыкара хатын-кызлар көне белән котлавы
Хөрмәтле хатын-кызлар!
Сезне чын күңелдән Халыкара хатын-кызлар көне белән тәбрик итәм!
Бу матур язгы көндә сезнең адреска ихлас күңелдән рәхмәт сүзләре яңгырый, соклану белдерелә. Үзегезнең матурлыгыгыз һәм энергиягез белән сез әйләнә-тирәдәгеләргә яктылык һәм җылылык бүләк итәсез, назлы һәм сизгер карашыгыз дөньяны яхшырак һәм гармониялерәк итә.
Бүгенге көндә Татарстанның урман тармагында эшләүчеләрнең өчтән бер өлеше – сез – гүзәл, талантлы хатын-кызлар. Сез орлык җыясыз, агачлар утыртасыз, урманны саклау чаралары комплексын эшлисез, кадрлар сәясәтен гамәлгә ашырасыз, бухгалтерлык исәбен алып барасыз. Сезнең белемегез һәм тәҗрибәгез гаять катлаулы производство бурычларын хәл итүдә бәяләп бетергесез роль уйный. Намуслы хезмәтегез, һөнәргә тугрылыгыгыз һәм республикабыз урманнарын саклау һәм үрчетү эшенә бәяләп бетергесез өлеш кертүегез өчен рәхмәт белдерәм. Шулай ук тармак үсешенә ныклы нигез салган ветеран хатын-кызларга аерым рәхмәтемне әйтеп үтәсем килә.
Хөрмәтле хатын-кызлар!
Чын күңелдән сезгә ныклы сәламәтлек, гаилә иминлеге, гармония һәм шатлык телим. Тормышыгызда елмаюлар, чәчәкләр һәм комплиментлар күбрәк булсын, ә якыннарыгызның мәхәббәте йөрәкләрегезне һәрвакыт җылытып торсын!
ТР урман хуҗалыгы министры Равил Кузюров