Министрлыкта Татарстан Республикасы Урман хуҗалыгы министрлыгы каршындагы Коррупциягә каршы көрәш комиссиясе утырышы булды
Бүген Министрлыкта Татарстан Республикасы Урман хуҗалыгы министрлыгы каршындагы коррупциягә каршы көрәш комиссиясе утырышы булды.
Эш регламентын ТР урман хуҗалыгы министры Равил Кузюров ачты һәм игълан итте.
Чарада докладлар белән дәүләт хезмәте һәм кадрлар мәсьәләләре секторы мөдире, коррупция һәм башка хокук бозуларны кисәтү өчен җаваплы Эльвира Зыятдинова, аренда мөнәсәбәтләре бүлеге башлыгы Фәнил Әхмәдуллин һәм урман фондын саклау һәм яклау секторы мөдире Әнәс Сөнгатуллин чыгыш ясады.
Эльвира Зыятдинова 2026 елның 1 кварталында Татарстан Урман хуҗалыгы министрлыгында коррупциягә каршы сәясәт чараларын гамәлгә ашыру турында сөйләде. Ул искәрткәнчә, 28.12.2025 ел, №505-ФЗ федераль закон нигезендә керемнәр, милек һәм милек характерындагы йөкләмәләр турында белешмәләр бирү тәртибе үзгәртелгән. Агымдагы елның 1 гыйнварыннан чираттагы декларация кампаниясе старт алды.
«Гражданнарның һәм оешмаларның хокукларын һәм законлы мәнфәгатьләрен Министрлыкта коррупциягә бәйле хәтәрлекләрдән яклау максатында «Ышаныч телефоны» эшли. Беренче кварталда аноним мөрәҗәгатьләр килмәде, – дип хәбәр итте Эльвира Зыятдинова. – Шулай ук ел башыннан 3 норматив хокукый акт коррупциягә каршы бәйсез экспертиза узды».
Моннан тыш, спикер 2025 ел йомгаклары буенча Татарстан Республикасы дәүләт хакимияте органнарында һәм җирле үзидарә органнарында коррупциягә каршы көрәш чараларын гамәлгә ашыру турында Татарстан Республикасы Рәисенең Коррупциягә каршы сәясәт мәсьәләләре идарәсе әзерләгән аналитик күзәтүне тәкъдим итте.
Фәнил Әхмәдуллин һәм Әнәс Сөнгатуллин коррупциягә каршы көрәш буенча алып барыла торган эшләр турында сөйләделәр. Алар дәүләт хезмәтләре күрсәтү, урман законнары үтәлешен тикшерү мәсьәләләренә тукталдылар.