Яшь татарстанлылар «Эколидер» мәктәбе» экологик агарту проектына кушыла алалар

2026 елның 19 марты, пәнҗешәмбе

Яшь татарстанлылар «ЭКОлидер "мәктәбе" экологик агарту проектына кушыла алалар Аны оештыручы – В.И.Вернадский исемендәге Хөкүмәтнеке булмаган экологик фонд. 

Быел программада катнашырга табигый фәннәр һәм экология белән мавыгучы балалар чакырыла. Конкурста сайлап алу җиңүчеләре өчен төп приз – «Артек» халыкара балалар үзәгенә 2026 елның 8-29 августында узачак «Артек – тизрәк, яктырак, бергә» уникаль август сменасына юллама.

Юлламаны алу өчен конкурс маршрутын узарга кирәк:

1. Беренче этап. Үзеңнең Илһам тарихың белән уртаклашу мөмкинлеге. Катнашучыларга «Мине илһамландыра торган Россия галиме (уйлап табучы, конструктор һ.б.)» дигән темага инша-фикер язарга тәкъдим ителә. Сүз табигый фәннәрне үстерү яки илебездә фәнни белемнәрне гамәли гәүдәләндерү белән бәйле күренекле шәхес турында барырга мөмкин.
2. Икенче этап. В.И. Вернадский исемендәге фонд экспертларыннан онлайн-вебинарларда катнашу, анда халык алдында чыгыш ясау күнекмәләрен күрсәтергә, үз идеяләреңне һәм лидерлык нигезләрен ышандырырлык итеп тәкъдим итәргә өйрәнергә була.
3. Өченче этап: «Җирнең үткәне һәм киләчәге – безнең кулда!» темасына илһамландыргыч видеоролик ясарга. Катнашучыларга үз эшләрендә табигый фәннәрне өйрәнүнең мөһимлеге турында сөйләргә һәм бу өлкәдә үз юллары турында күзаллаулары белән уртаклашырга туры киләчәк.

Конкурсны үткәрү сроклары, шартлары һәм нигезләмәсе турында тулырак мәгълүмат В.И. Вернадский исемендәге фондның рәсми сайтында бирелгән.