Татарстанда ТР Урман хуҗалыгы министрлыгы карамагындагы учреждениеләрнең 2025 елгы эшчәнлегенә йомгак ясау дәвам итә
Татарстан Республикасында ТР Урман хуҗалыгы министрлыгының тармак оешмаларының 2025 елдагы эшчәнлегенә йомгак ясау, шулай ук 2026 елда булачак урман культуралары һәм янгын куркынычы сезонына әзерлек мәсьәләләре буенча киңәшмәләр сериясе дәвам итә.
Бүген ТР урман хуҗалыгы министры урынбасары Рәис Гомәров «Шәһәр яны урманчылыгы» ТР ДКУ, «Шәһәр яны өйрәнү-сынау урман хуҗалыгы» ТР ДБУ һәм «Урман-янгын үзәге» ТР ДБУ хезмәткәрләре катнашында эшлекле очрашу үткәрде. Утырыш Биектау авылында хакимият бинасында узды, анда муниципаль район башкарма комитеты җитәкчесе Рамил Хәкимуллин катнашты.
Төп нотыклар белән җитәкче-урманчы Илнур Кәшафиев, урман хуҗалыгы директоры Виталий Шмелев һәм Урман-янгын үзәге директоры Айдар Гайфуллин чыгыш ясады.
Узган ел Шәһәр яны урманчылыгы территориясендә 10 гектарда – урман торгызу, 111 гектарда – урман культураларын агротехник карау, 35 гектарда – урман культураларын тулыландыру, питомникта 0,7 гектарда орлык чәчү эшләренең башкарылуы билгеләп үтелде.
Федераль дәүләт урман контролен (күзәтчелеген), урман саклауны гамәлгә ашыру кысаларында Шәһәр яны урманчылыгының дәүләт урман инспекторлары тарафыннан урманнарда 1675 патрульлек үткәрелгән, административ хокук бозулар турында 34 беркетмә төзелгән.
ТР урман хуҗалыгы министрының беренче урынбасары Илгизәр Зарипов Яңа Чишмә авылында хакимият бинасында киңәшмә үткәрде. Утырышта район башкарма комитеты җитәкчесе Ринат Фәсахов катнашты.
Катнашучылар «Экологик иминлек» илкүләм проектының «Урманнарны саклау» федераль проектын гамәлгә ашыру, урман торгызу эшләрен башкару һәм урманнарда янгын куркынычсызлыгын тәэмин итү мәсьәләләре буенча фикер алыштылар.