1 апрель – Халыкара кошлар көне
Ел саен 1 апрельдә дөньяның күп илләрендә Халыкара кошлар көне билгеләп үтелә. Аның максаты – кошларның төрлелеген һәм исәбен саклау.
Бу экологик бәйрәмнең тарихы Пенсильвания штатында (АКШ) 1894 елда башлана дип санала. Массакүләм мәгълүмат чараларында актив яктырту нәтиҗәсендә, инициатива тиз арада барлык штатларга тарала, ә аннары Европаны буйсындыра. Хәзерге вакытта бәйрәм ЮНЕСКОның «Кеше һәм биосфера» биологик программасы кысаларында уза һәм төрле акцияләр, конкурслар, флешмоблар һәм башка табигатьне саклау чаралары белән үрелеп бара.
Орнитологлар кошларның юкка чыгуы табигатькә төзәтеп булмаслык басым ясарга мөмкин, дип кисәтә. Кошлар урман экосистемаларының мөһим компоненты булып торалар, аларда төрле функцияләрне үтиләр. Алар урманны корткычлардан саклауда ярдәмчеләр булып торалар, шулай ук урман үсемлекләре орлыкларын бик яхшы тараталар.