Казанның Яңа Савин районындагы 155 нче гимназиянең 2 нче сыйныф укучылары Урман музеенда булдылар
Бүген Казанның Яңа Савин районы 155 нче гимназиясенең 2 нче сыйныф укучылары ТР Урман хуҗалыгы министрлыгының Урман музеенда булдылар. Яшь кунаклар өчен танып-белү экскурсиясен музей директоры Илгиз Зарипов үткәрде. Шунысын да билгеләп үтәргә кирәк, мондый чараларны оештыру «Экологик иминлек» илкүләм проектының максатларына һәм бурычларына туры килә.
Экскурсия барышында укучылар урманнарның табигатьтә һәм кеше тормышында төп роле турында белделәр. Илгиз Зарипов урман массивларының һаваны чистартуы, туфракны һәм су объектларын саклавы, шулай ук күп төрле хайваннар һәм үсемлекләр өчен йорт булып торуы турында сөйләде.
Балалар Татарстан урман хуҗалыгының тарихы һәм хәзерге торышы белән таныштылар, республиканың Урман селекция-орлыкчылык үзәге эше, урманнарны саклау, яклау һәм яңадан торгызу буенча гамәлгә ашырыла торган чаралар турында белделәр.
Очрашу барышында урманнарда янгын һәм санитария куркынычсызлыгы кагыйдәләрен үтәүнең мөһимлегенә аерым басым ясалды.