Дәүләт Думасы депутаты А.Р.Метшин һәм ТР урман хуҗалыгы министры Р.Ә.Кузюров Алексеевск муниципаль районында булдылар
2026 елның 7 маенда Россия Федерациясе Дәүләт Думасы депутаты Айдар Рәис улы Метшин һәм Татарстан Республикасы урман хуҗалыгы министры Равил Әфраим улы Кузюров Алексеевск муниципаль районына эш сәфәре кылдылар.
Сәфәр барышында парламентарий һәм министр Сахаровка авылында яшәүче Бөек Ватан сугышы ветераны Гунина Анна Тимофеевнада булдылар. Кунаклар ветеранны якынлашып килүче Җиңү көне белән котлап, истәлекле бүләкләр тапшырдылар. Шулай ук Алексеевск шәһәр тибындагы бистәсендә иҗтимагый киңлек – «Елки-палки» паркы ачылды. Моннан тыш, делегация реконструкциядән соң «Солнышко» мәктәпкәчә мәгариф учреждениесен ачуда катнашты.
Сәфәр программасына Сугышчан дан музеенда булу, махсус хәрби операциядә катнашучыларга бүләкләр тапшыру һәм Алексеевск муниципаль районы башлыгы С.А. Демидов җитәкчелегендә район активы белән очрашу кертелгән иде.