“Озын Ялан” дәүләти табигать тыюлыгының 1 категорияле белгече Татьяна Никитинаның Кама Тамагы районы Сөйки урта мәктәбе укучылары белән очрашуы аеруча саклаулы территорияләргә багышланган иде. Экология мисалларында Т.А.Никитина балаларга Җирнең төрле-төрле тереклек зоналарын саклауның нигә кирәклеге, алар турында кайгырту турында сөйләде, һәр кешенең туган як табигатен ничек саклый алуын аңлатты, укучыларның күпсанлы сорауларына җавап бирде. Шуннан соң алар барысы бергә “Озын Ялан” тыюлыгының табигате турында видеофильм карадылар.