“Озын Ялан” тыюлыгы белгечләре “Кошлар ашханәсе” ачты

Тәтеш ш. “Рябинушка” балалар бакчасында алар, тәрбиячеләр белән бергә, безнең якларда кышлаучы кошлар, аларның файдасы һәм аларны саклау турында сөйләштеләр. Ә балалар һәм ата-аналар канатлы дуслар өчен җимлекләр ясап китергән иде. Очрашудан соң аларны бакча ишегалдындагы агачларга элделәр, көн саен аларга җим салырга, нинди кошларның тукланырга килүен күзәтеп барырга килештеләр. Тагы да 20 җимлекне табигый тыюлык белгечләренә бүләк иттеләр. “Озын Ялан” тыюлыгы башлыгы В.П.Никитин балаларга: “Без бу җимлекләрне, кошлар салкын кышны исән уздырып җылы язга чыксыннар өчен, тыюлыктагы агачларга элеп куярбыз”, – дип белдерде.