Азнакай районы укучылары урманчыларга янгынга каршы пропагандада булышалар

2014 елның 20 апреленнән 15 маена кадәр аеруча янгын куркынычы режимы кертелү уңае белән “Азнакай урманчылыгы” ДКИ эшчәннәре район халкы белән җыеннарда очрашалар, хәбәр тарату чараларында чыгышлар ясыйлар, урманнарда янгын куркынычсызлыгы кагыйдәләрен үтәү турында листовкалар тараталар. Бу эшкә мәктәп балалары да актив кушылды. Балалар халыкка урманнарда янгын куркынычсызлыгы кагыйдәләре һәм ут белән саксыз эш итүнең яман нәтиҗәләре турында сөйлиләр.