Урман-Кәләй мәктәбендә урман дәресе

Яңа уку елының беренче көннәрендә авыл мәктәбенә кунакка Кәләй урманчылыгы дәүләти казна оешмасының урманчы-җитәкчесе Д.Г.Миңдерахманов килде. Бу аның кече яшьтәге мәктәп балалары белән беренче очрашуы иде. Балалар белән сөйләшүне ул аларны урман белән тулай таныштырудан башлады, аларның нинди үсемлекләр һәм хайваннар турында белүе белән кызыксынды, табигатькә зыян китермәс өчен урманда үзеңне ничек тотарга кирәклеген аңлатты.