Әгерҗе районының барлык мәктәпләрендә Җирнең озон катламын саклау көненә багышланган “Чисталык дәресләре” үткәрелде

“Кичкетаң” дәүләти табигать тыюлыгы башлыгы Әһли Фәйзуллин һәм тыюлык инспекторлары “Кичкетаң” урта мәктәбенә килеп, Җирдәге тереклек өчен һаваның әһәмияте турында сөйләделәр.

“Кичкетаң” тыюлыгы белгече Тәлгать Нуриевның әйтүенчә, чисталык – чүп-чар булмау гына түгел, ә кешенең күңел сафлыгы да, бүтән кешеләргә һәм әйләнә-тирә дөньяга игелекле булуы да ул.

Дәрес барышында балалар белән кешелекнең глобаль проблемалары, шул исәптән Җирнең озон катламын саклау, республика экологиясендә табигатьнең тоткан урыны турында әңгәмә үткәрелде.