ТР урман хуҗалыгы ветераны Миргазыян Шәйхетдиновка 90 яшь

Миргазыян Насретдин улы Шәйхетдинов – Бөек Ватан сугышы ветераны. 1986 елга кадәр Азнакай урманчылыгында урманчы булып эшләгән. Төп эшләре территорияләрне күзәтү һәм контрольдә тоту: урманны янгыннан, башбаштак кисүдән саклау, урманнан файдаланучыларны тикшерү булган. Урманчы көн саен иҗади эштә булган, һәр агачка хуҗаларча караган, ул эшне һәрчак сыйфатлы башкарган. Ветеранны юбилее белән “Азнакай урманчылыгы” ДКИ җитәкче-урманчысы И.Р.Кашапов котлады, урманчылык коллективы һәм профсоюз оешмасы исеменнән аңа сәламәтлек һәм иминлек теләде.