Илдус Мөнир улы Мәгыйзов һөнәри белемне Лубян урманчылык техникумында һәм Мари политехник институтында алган. Республиканың урман хуҗалыгында кырык елдан артык эшләгән. 14 ел Биләр урман хуҗалыгы директоры булып торган. Татарстан Урман хуҗалыгы министрлыгы оештырылгач дәүләти контроль һәм күзәтчелек бүлеген җитәкләгән. Югары һөнәр иясе И.Мәгыйзов күп тапкырлар һөнәри бүләкләргә лаек булган.
И.Мәгыйзовны бөтен коллектив исеменнән юбилее белән министрның беренче урынбасары Х.Мусин котлады һәм аңа Министрлыкның Мактау грамотасын тапшырды.