Мәктәп урманчылыклары вәкилләре яшьләрнең “Чиста булачак” экология хәрәкәте автивының Республика мәктәбенә теләктәшлек күрсәтте

Бүген “Крутушка шифаханәсе” ДУ (ТР Крутушка п.) базасындагы палаткалы лагерьда Татарстандагы яшьләрнең “Чиста булачак” экология хәрәкәте активының Республика мәктәбе эшли башлады. Анда катнашучылар буларак республикадагы мәктәп урманчылыклары вәкилләрен җәлеп иттеләр. Дүрт көн дәвамында балалар лекцияләр тыңлаячак (“Экология өлкәсендә иҗтимагый инспектор эшчәнлеге”, “Социаль проектлау”), интерактив дәресләрдә катнашачаклар (“Экология юнәлешендәге чараларны оештыру һәм үткәрү”, “Командада эшләү яки “Чиста булачак” командасын ничек тупларга”, “Тайм менеджмент”), тренинглар, мастер-класслар узачаклар, шулай ук Татарстан Республикасы шәһәрләрендә һәм районнарында “Чиста булачак” экология хәрәкәтенең эшчәнлеген планлаштыру мәсьәләләре хакында сөйләшәчәкләр. Программа кысаларында балалар 2016 елның 27 августында Зәңгәр күлдә узачак “Яшел Россия” экология өмәсендә катнашачаклар.