Мәскәүдә узган утырышта “Махсус сакланучы территория һәм объект җирләреннән файдалану һәм аларны саклау буенча хокукый проблемалар” хакында сөйләштеләр

2016 елның октябрендә Федерация Советының авыл хуҗалыгы-азык төлек һәм табигатьтән файдалану сәясәте комитетында (Мәскәү ш.) С.Ф. Лисовский җитәкчелегендә “Махсус сакланучы территория һәм объект җирләреннән файдалану һәм аларны саклау буенча хокукый проблемалар” темасына түгәрәк өстәл булды.

Утырышта Федерация Советы әгъзалары, Россия Федерациясе Дәүләт Думасы депутатлары, федераль башкарма һәм суд хакимияте, Россия Федерациясе субъектларының дәүләт хакимияте башкарма органнары, фәнни учреждениеләр һәм эксперт берләшмәләре вәкилләре катнашты. Татарстан Республикасы ягыннан Татарстан Республикасы Урман хуҗалыгы министрлыгының биотөрлелек бүлегенең әйдәүче киңәшчесе Р.Р. Йосыпова катнашты.

Түгәрәк өстәл докладларында махсус сакланучы табигый территорияләрнең, дәвалау-савыктыру җирләренең һәм курортларның, федераль һәм төбәк әһәмиятендәге мәдәни мирас объектлары җирләреннән файдалану һәм аларны саклау проблемаларына бәйле мәсьәләләр яктыртылды. Утырыш нәтиҗәләре буенча тәкъдимнамәләр проекты төзелде, ул Россия Федерациясе Дәүләт Думасына, Россия Федерациясе Хөкүмәтенә җибәреләчәк.