“Зөя буйлары” ДТКТ белгечләре җимлекләр һәм катырлар урнаштыру эшенә кереште

Кыш килү белән кошлар һәм хайваннар өчен авыр чор башлана. “Зөя буйлары” ДТКТ хезмәткәрләре алар өчен җимлекләр һәм катырлар әзерләү эшенә кереште.

Катырлар кыргый хайваннарның гомерләре өчен кирәкле булган минерал матдәләр ихтыяҗын канәгатьләрдерә. Табигый катырлар бик аз һәм һәрвакытта да кирәкле урыннарында юк, шуңа күрә ясалма катырларны урнаштыру бик мөһим. Ел саен мөгез алмаштыра торган тояклы барлык хайваннарга билгеле бер күләмдә минераллы тозлар таләп ителә, бу мөгезне торгызу өчен дә, сөяк тукымаларын ныгыту өчен дә кирәк, ә ана хайваннар өчен туклану рационындагы тозларның булуы бала йөрткәндә һәм аны имезгәндә әһәмиятле.

Катырларга кабаннар, куяннар һәм кайбер кошлар да килә. Бүгенге көндә “Зөя буйлары” тыюлыгы белгечләре тарафыннан хайваннар өчен 10 катыр, 2 җимлек һәм кошлар өчен 3 җимлек әзерләп урнаштырылды.