“Озын Алан” заказнигы хезмәткәрләре “Язын кошларны каршылыйбыз” дигән темага ачык дәрес үткәрде
“Парклар маршы” табигатьне саклау халыкара акциясе кысасында “2 нче номерлы Тәтеш урта гомуми белем мәктәбе” МБМУда “Язын кошларны каршылыйбыз” дигән темага ачык дәрес үткәрелде. Җитәкчеләре И.Михеева белән бергә 4 б сыйныф укучылары иҗади формада – шигырьләр, мәсәлләр һәм мәкальләр белән – канатлы дусларыбызны каршы алдылар.
“Озын Алан” дәүләт комплекслы табигать заказнигы хезмәткәрләре күчә кошларның күптөрле булуы, урманнарыбыз өчен аларның бәяләп бетергесез файдасы турында сөйләделәр. Укучылар әти-әниләре белән бергәләп яңа сыерчык оялары ясаганнар иде, аларны заказник территориясенә элеп куйдылар. Заказник администрациясе укучыларга акциядә ел саен актив катнашулары, кошларга уңайлы өйләр ясаганнары өчен рәхмәт белдерде. Татарстан Республикасы Кызыл китабының өченче басмасы укучыларга бик кадерле бүләк булды.