Татарстанның чиста урманнары
ТР Министрлар Кабинетының 2017 елның 21 мартындагы № 527-р боерыгын тормышка ашыру кысасында Татарстан Республикасы шәһәрләре һәм муниципаль районнары территорияләрен чистарту буенча санитар-экологик икеайлык игълан ителде.
“Идел буе урманчылыгы” ДКУ территориясендә “Татарстанның чиста урманнары” табигатьне саклау акциясе башланып китте. Урманчылык һәм урман хуҗалыгы белгечләре тарафыннан урман кишәрлекләрен чүп-чардан чистарту эшләре башкарыла.
Югары Ослан районы башкарма комитеты белән үзара хезмәттәшлек планы төзелде, анда район предприятиеләренә һәм авыл җирлекләренә беркетелгән кишәрлекләр билгеләнде.
Табигатькә битараф булмаучыларның барысын да акциядә актив катнашырга һәм, уртак тырышлык белән, урманнарыбызны чистарак итәргә чакырабыз!