Татарстанда “Беренче чәчәкләр-2017” экологик акциясе тәмамланды

Үсемлекләрнең иртә чәчәк ата торган декоратив төрләрен, шул исәптән Татарстан Республикасының Кызыл китабына кертелгәннәрен дә җыюны һәм сатуны булдырмау максатыннан, Министрлык 2017 елның 17 апреленнән 22 маена кадәр “Беренче чәчәкләр-2017” экологик аңлату акциясен уздырды. Татарстан Республикасының дәүләт табигать заказниклары һәм дәүләт казна учреждениеләре – Татарстан Республикасы муниципаль районнарындагы урманчылыклар белгечләре 66 уку йортында һәм социаль учреждениеләрдә, шул исәптән 45 гомуми белем бирү һәм махсуслаштырылган мәктәптә, 16 балалар бакчасында, 3 район китапханәсендә, 2 район мәдәният йортында һәм Балалар иҗаты йортында тематик дәресләр, мастер-класслар һәм лекцияләр уздырды. Чараларда барлыгы 3,2 мең кеше катнашты.