“Язылу бүләк ит” хәйрия акциясенә теләктәшлек күрсәтелде

Узган шимбәдә Татарстан Республикасы урман хуҗалыгы министрының беренче урынбасары Ә.Н.Бәдертдинов “Татмедиа” АҖ оештырган “Язылу бүләк ит” хәйрия акциясендә катнашты.

Акция Татарстан Республикасы Министрлар Кабинеты холлында традицион шимбә киңәшмәсе алдыннан оештырылган иде, республикадагы министрлыкларның һәм ведомстволарның җитәкчеләре социаль учреждениеләр – өлкәннәр йорты, инвалидлар өчен интернат-йортлар, балалар йортлары, социаль үзәкләр һ.б. өчен 2018 елның беренче яртыеллыгына рус һәм татар телләрендә чыгучы “Татмедиа” АҖ басма матбугатына язылды.

Ә.Н. Бәдертдинов Бөгелмә районының балалар һәм яшүсмерләр өчен “Ялкын” социаль приюты өчен “Салават Күпере” журналына язылды.