Чаңгы ярышлары буенча спартакиада

2018 елның 5 марты, дүшәмбе

Татарстан Республикасы Урман хуҗалыгы министрлыгы хезмәткәрләре республикадагы дәүләт хезмәткәрләре арасында узган Спартакиаданың беренче этабында катнашты. Ярышлар Яшел Үзән шәһәренең “Маяк” спорт комплексы базасында чаңгыда узышлар буенча узды.

Урман хуҗалыгы министрлыгы командасында дәүләт контроле һәм күзәтчелеге бүлеге башлыгы Нияз Таҗмиев, аренда мөнәсәбәтләре бүлеге башлыгы Фәнил Әхмәдуллин, дәүләт контроле һәм күзәтчелеге бүлеге консультанты Юлия Сәйфуллина һәм урманнарны торгызу бүлегенең әйдәп баручы консультанты Алсу Сәмигуллина катнашты.