Тәтеш урманчылыгында "Агач ташучы" операциясе узды

2018 елның 27 марты, сишәмбе

"Тәтеш урманчылыгы" ДКУ хезмәткәрләре, ТР ЭЭМ һәм ТР ЮХИДИ белән берлектә, "Агач ташучы" оператив-профилактика операциясе кысаларында рейд уздырды. Максаты – гамәлдәге законнарны бозучыларны тоту һәм район территориясендә һәм аннан читтә законсыз әзерләнгән агач материалын транспорт белән күчерү каналларын ябу. Рейд Тәтеш муниципаль районының Олы Тархан һәм Килдеш авылларында узды.

Рейд барышында агач кисү материалларын ташучы дүрт транспорт чарасы тикшерелде. Тикшерү нәтиҗәсендә административ хокук бозу турында эш кузгатылды.