Урман хуҗалыгы министрлыгы хезмәткәрләре экология акциясендә катнашты

2018 елның 2 апреле, дүшәмбе

Татарстан Республикасы Урман хуҗалыгы министрлыгы, Экология һәм табигый ресурслар министрлыгы хезмәткәрләре, шулай ук “Чиста булачак” хәрәкәте активистлары, Рус география җәмгыятенең төбәк бүлеге әгъзалары, Казанның 24 нче мәктәп укучылары “ЭКОвесна 2018” кысаларында “Имәнлек” урман паркы территориясендәге экологик рейдта катнашты. Экологлар чаңгы трассасы буйлап җыештыруга кагылышлы эко-рейд уздырды. Урманчылар балаларга сыерчык ояларын эләргә булышты.