Шәһәр яны урманчылыгы хезмәткәрләре Яшел наратлыкны чүп-чардан арындырды

2018 елның 16 мае, чәршәмбе

Шәһәр яны урманчылыгы территориясендә, Идел елгасы буйлап, Яшел наратлыкта, урманчылар "Татарстанның чиста урманнары" акциясе кысаларында урман утыртмаларын көнкүреш калдыкларыннан чистартты. Акциядә урман кишәрлекләре арендаторлары актив катнашты. Урман өмәсе барышында урман фонды территориясеннән 10 кубометр күләмендә каты көнкүреш калдыклары чыгарылды. "Халыкның аңлы булуы һәм урманнарга сакчыл мөнәсәбәте урман байлыкларын саклауның нигезе булып тора", – ди урманчылар.