Татарстан Республикасы урман хуҗалыгы министры Р.Ә.Кузюров ведомство буйсынуындагы учреждениеләрнең җитәкчеләре белән видеоконференцэлемтә режимында киңәшмә уздырды

2018 елның 5 июне, сишәмбе

Равил Кузюров ведомство буйсынуындагы учреждениеләре җитәкчеләре белән язгы урман-культура чоры йомгаклары, күзәтчелек эшчәнлеге, урманнарның урман-патологик торышы, аукцион документларының сыйфаты турында киңәшмә уздырды. Киңәшмәдә шулай ук урманчылыкларның һәм урман хуҗалыкларының финанс-хуҗалык эшчәнлеге нәтиҗәләре турында да сүз булды.

Утырышта ведомствога буйсынучы учреждениеләр җитәкчеләренең урман культураларын техник кабул итү, агач материалы әзерләү һәм җиткерү нәтиҗәләре турында докладлары тыңланды. Чара азагында министр урман хуҗалыгын алга таба үстерү буенча беренче чиратта башкарылырга тиешле бурычларны билгеләде.