Татарстан Республикасы Урман хуҗалыгы министрлыгы хезмәткәрләре мәктәп яны лагерьларында балаларның җәйге ялын контрольдә тота

2018 елның 19 июне, сишәмбе

Балаларның һәм яшьләрнең ялын оештыру буенча ведомствоара комиссия эшчәнлеге кысаларында Татарстан Республикасы урман хуҗалыгы министрының беренче урынбасары Әмир Бәдертдинов Тәтеш районында лагерьларның әзерлек дәрәҗәсен, ял һәм савыктыру шартларын, балалар белән эшләү программаларын һәм мөгаллимнәрнең квалификациясен тикшерде. Мондый рәвешле урынга чыгулар җәйге каникул дәвамында даими гамәлгә ашырылачак.